निर्वाचन आयोगले प्रतिनिधिसभा र प्रदेशसभामा समानुपातिक तर्फबाट निर्वाचित भएका सांसदहरुलाई आइतबार प्रमाणपत्र बितरण गरेको छ ।
आयोगले आफ्नो केन्द्रीय कार्यालयबाट प्रतिनिधिसभा र सातवटै प्रदेशसभाका सांसदलाई एकै स्थानबाट प्रमाणपत्र दिएको हो । उनीहरुलाई निर्वाचन आयोगका सचिव गोकर्णमणि दुवाडीले प्रमाणपत्र प्रदान गरे भने प्रमुख निर्वाचन आयुक्त दिनेश थपलियाले खादा लगाएर बधाई दिए।
आयोगले प्रतिनिधिसभा अन्तर्गत ११० जना सामानुपातिक सांसद र प्रदेशसभा अन्तर्गत २२० जना सामानुपातिक सांसदहरुलाई प्रमाणपत्र बितरण गरेको हो ।
प्रदेशसभामा प्रदेश १ मा ३७, मधेशमा ४३, वाग्मती ४४, गण्डकी २४, लुम्बिनी ३५, कर्णाली १६ र सदूरपश्चिममा २१ जना समानुपातिकतर्फबाट निर्वाचित भएका छन् ।
