सामसङले सन् २०२२ को अन्तिम त्रैमासिक र आर्थिक वर्षको वित्तीय नतिजा सार्वजनिक गरेको छ ।
यससँगै सामसङले फेरि एकपटक ३०२.२३ ट्रिलियन केआरडब्लु (करिब २४४ अर्ब अमेरिकी डलर) को रेकर्ड राजस्व प्राप्त गर्न सफल भएको छ । यो सन् २०२१ को तुलनामा ८ प्रतिशतले बढी हो । तथापि सञ्चालन मुनाफा केआरडब्ल्यू भने 43.38 ट्रिलियन छ जुन अघिल्लो वर्षको तुलनामा 15% ले कम हो।
चौथो त्रैमासिक अवधि भने सामसङका लागि कमजोर रह्यो किनकि विश्वव्यापी आर्थिक मन्दीको कारणले बजारमा स्मार्टफोन र ल्यापटपको माग घट्दा सामसङको नाफामा गिरावट आएको हो । यो घाटा पछिल्लो आठ वर्षयता कै सबैभन्दा धेरै घाटा भएको सीएनएनले उल्लेख गरेको छ ।
यस्तै सीएनएनले प्रकाशित गरेको एक लेखका अनुसार सामसङले गत डिसेम्बरमा आफ्नो तीन महिनाको नाफाको रिपोर्ट सार्वजनिक गरेको थियो ।
उक्त रिपोर्टका अनुसार सन् २०२२ को अक्टोबर, नोभेम्बर र डिसेम्बर महिनामा कम्पनीले साढे तीन अर्ब डलर नाफा कमाएको थियो । सो नाफा अघिल्लो वर्षको सोही समयको नाफा रकम भन्दा ६९ प्रतिशतले कम हो ।
त्यस्तै उक्त समयमा कम्पनीको आम्दानी पनि ८ प्रतिशतले घटेर ५७ अर्ब को हाराहारीमा पुगेको छ । सन् २०१४ को तेस्रो त्रैमासिकपछि कम्पनीले सबैभन्दा बढी घाटा सन् २०२२ मा को चौथो त्रैमासिकमा व्यहोरेको हो ।
सामसङले आगामी वर्ष पनि कठिन रहने अनुमान गरेको छ ।
