वर्षाले नबिथोलेको खण्डमा आगामी असारको पहिलो साताभित्र ग्वार्को फ्लाइओभर सञ्चालनमा ल्याउने तयारी भइरहेको छ ।
वर्षाले नबिथोलेको खण्डमा यही असारको पहिलो साताभित्र ग्वार्को फ्लाइओभर सञ्चालनमा ल्याउने तयारी छ । सडक विभागका अनुसार, फ्लाईओभरको काम अन्तिम चरणमा पुगेको छ ।
फ्लाइओभरमा लोड टेस्ट लगायतका काम गरिसकिएको र कालोपत्रे तथा फिनिसिङ लगायतका काम भइरहेको छ । यसपालिको बर्खा सुरु भइसकेको छ । यदि वर्षाले नबिथोलेको खण्डमा आगामी असार पहिलो हप्ताभित्र फ्लाइओभर सञ्चालनमा आउने सडक विभागका उपमहानिर्देशक तथा प्रवक्ता प्रभातकुमार झाले बताए ।
ठेक्का सम्झौताअनुसार, परियोजना दुई वर्षमा बन्नुपर्ने हो । तर, निर्माण कम्पनी आशिष-समानान्तर-रेलिगियर जेभीले सम्झौता अवधि गुजार्दा परियोजना एक वर्ष पर धकेलिइसकेको हो । अझ, दुई पटकसम्म म्याद थप हुँदासमेत ठेकेदारले परियोजना पूरा गर्न सकेको छैन ।
खासगरी, निर्माण कम्पनी सुरुवाती डिजाइनअनुसार काम गर्ने बेला पुनः डिजाइन परिवर्तन गर्ने लगायतका कारणले काममा ढिलाइ भएको हो ।
