निर्वाचन आयोगले प्रतिनिधिसभा निर्वाचनको समानुपातिकतर्फको बन्दसूचीमा रहेका ७६ जनाको नाम हटाएको छ ।
बन्दसूचीका सम्बन्धमा परेका उजुरी, प्रचलित कानून बमोजिम तोकिएको उम्मेदवारको योग्यता र अयोग्यतासम्बन्धी व्यवस्था, निर्वाचन आयोगबाट विभिन्न मितिमा भएका निर्णय एवं राजनीतिक दलबाट प्राप्त जानकारीसमेतका आधारमा उनीहरूलाई सूचीबाट हटाइएको आयोगले जनाएको छ ।
आयोगका प्रवक्ता नारायणप्रसाद भट्टराईका अनुसार कर्जा सूचना केन्द्रको कालो सूचीमा रहेका २१ जना, प्रदेशसभा सदस्य समानुपातिक निर्वाचन प्रणालीतर्फको बन्दसूचीमा नाम कायम रहेका २५ जना र निर्वाचन आयोगबाट तोकिएको जरिवाना भुक्तान नगरेका १० जनाको नाम सूचीबाट हटाइएको छ ।
यसैगरी, पच्चीस वर्ष उमेर पूरा नभएका ४ जना, मतदाता नामावलीमा नाम समावेश नभएका १ जना, मतदाता नामावली पिछडिएको क्षेत्रमा नरहेका २ जना र महिला उम्मेदवार पेस हुनुपर्नेमा पुरुष उम्मेदवार पेस भएका १ जनाको नाम समेत सूचीबाट हटाइएको प्रवक्ता भट्टराईले बताए । उनका अनुसार नाम हटाउन भनी सम्बन्धित राजनीतिक दलबाट लेखिआएका १० जना र माथि उल्लिखित कारणमध्ये एकभन्दा बढी कारण भएका २ जनाको नाम बन्दसूचीबाट हटाइएको छ ।
सूचना :
