प्रधानमन्त्री सुशीला कार्कीको मन्त्रिमण्डलमा मन्त्री बन्न लागेकी जलवायु अभियन्ता टासी ल्हाजोमबारे सामाजिक सञ्जालमा भइरहेको प्रचारप्रति जेनजी समूहहरूले आपत्ति जनाएका छन् ।
उनी मन्त्री बन्न लागेको सामाचार सार्वजनिक भएपछि उनको राष्ट्रियता र संलग्नताबारे सामाजिक सञ्जालमा प्रश्न उठाइको छ । जसलाई कुप्रचार र भ्रामक भन्दै इन्डिजिनिअस जेनजी कलेक्टिभ र जेनजी मुभमेन्ट अलाइन्सले आपत्ति जनाएका हुन् ।
‘जेनजी विद्रोहपश्चातको गतिशील राजनीतिक प्रक्रियामा इन्डिजिनियस जेनजी कलेक्टिभ्सको सदस्यको रूपमा सक्रिय अभियन्ता टासी ल्हान्जोममाथि ‘हेर्दै नेपालीजस्तो नदेखिने’, ‘नेपाली भाषा राम्रोसँग बोल्नै नजान्ने’, ‘विदेशी शक्तिहरूद्वारा परिचालित’, ‘नक्कली नागरिकता लिएकोजस्ता तथ्यहीन र कपोलकल्पित आरोपहरू लगाउँदै ‘उनलाई मन्त्रिपरिषद् सदस्य बनाउँदा नेपालको सार्वभौमसत्ता, राष्ट्रिय अखण्डतालाई आँच पुग्ने’ भनिएको छ । यी कुनै पनि आरोप सत्य र तथ्यमा आधारित नभएको हामी स्पष्ट पार्न चाहन्छौं,’ विज्ञप्तिमा भनिएको छ ।
यी दुई जेन-जी समूहले उनीबारे अहिले भइरहेको प्रचारलाई ‘आदिवासीमाथि गरिएको प्रहार’ भनेका छन् ।
विज्ञप्ति :
