ग्लोबल आइएमई बैंक लिमिटेडको सहायक कम्पनीको रुपमा रहेको जेबीएनएल सेक्यूरिटिज् लिमिटेडले धितोपत्र कारोबार सम्बन्धी सेवा सुरु गरेको छ ।
नेपाल उद्योग वाणिज्य महासंघका अध्यक्ष तथा ग्लोबल आइएमई बैंक लिमिटेडका अध्यक्ष चन्द्रप्रसाद ढकालले एक कार्यक्रमकाबिच कम्पनीको उद्घाटन गरी टीएमएस मार्फत धितोपत्र खरिद सेवाको औपचारिक आरम्भ गरेका हुन ।
कार्यक्रममा अध्यक्ष ढकालले धितोपत्र बजारको विकास र विस्तारसंगै मुलुकको आर्थिक गतिविधिमा समेत कम्पनीले महत्वपुर्ण भूमिका खेल्न सक्नुपर्ने बताए ।
त्यसैगरी ग्लोबल आइएमई बैंकका प्रमुख कार्यकारी अधिकृत रत्नराज बज्राचार्यले संस्थागत सुशासन, पूर्वाधार तथा नियमनकारी निकायहरुबाट प्राप्त निर्देशनको पूर्ण परिपालनामा यो कम्पनी उदाहरणीय विश्वास व्यक्त गरे ।
धितोपत्र कारोबारका लागि इजाजत प्राप्त यो कम्पनीको कार्यालय नयाँबानेश्वर शंखमुलमार्गमा रहेको छ भने स्टक एक्सचेञ्जको सदस्य नम्बर ८९ रहेको छ ।
