ललितपुर महानगरले पाटन दरबार क्षेत्रमा पर्यटकका लागि स्मार्ट शौचालय निर्माण सुरु गरेको छ । स्तनपान कक्ष समेत रहने शौचालयको महानगर प्रमुख चिरीबाबु महर्जनले शिलान्यास गरेका छन् ।
पुरातात्विक शैलीमा निर्माण गर्न लागिएको यो शौचालय अपाङ्गता र ज्येष्ठ नागरिकमैत्री समेत हुनेछ । एक हजार ६६ वर्ग फिट क्षेत्रफलमा निर्माण हुने शौचालय पुरुषका लागि ६ वटा युरेनलसहितको ३ वटा र ६ वटा महिलाका लागि हुने ललितपुर महानगरका पूर्वाधार महाशाखा प्रमुख श्रीकुमार महर्जनले जानकारी दिए ।
पर्यटकका लागि संभवत पहिलो पटक निर्माण सुरु गरिएको शौचालय छ महिनाभित्र निर्माण सम्पन्न गर्ने महानगरको लक्ष्य छ ।
ललितपुर महानगर प्रमुख चिरीबाबु महर्जनले ललितपुर महानगरले प्रत्येक वडामा स्मार्ट शौचालय निर्माणको योजना अघि सारेको बताएका छन् ।
तत्काल नौ वटा स्मार्ट सार्वजनिक शौचालय निर्माणका लागि टेण्डर पनि आव्हान भइसकेको प्रमुख महर्जनले जानकारी दिए ।
