आइएमई लाइफ इन्स्योरेन्स कम्पनीका बीमित, अभिकर्ता तथा कर्मचारीहरूले ग्राण्डी हस्पिटलमा १० प्रतिशत छुट पाउने भएका छन् ।
कम्पनीले आफ्ना बीमित, अभिकर्ता तथा कर्मचारीहरूलाई लाभान्वित तुल्याउन ग्राण्डी हस्पिटलसँग त्यस्तो सम्झौता गरेको हो । सम्झौताअनुसार आइएमई लाइफ इन्स्योरेन्स कम्पनीका बीमित, अभिकर्ता तथा कर्मचारीहरूले ग्राण्डी हस्पिटलमा उपचार सेवा लिँदा १० प्रतिशत छुट पाउनेछन् । त्यस्तै, वेलनेस प्याकेजमा पनि विशेष सहुलियत दिइने बताइएको छ ।
उक्त छुट सुविधा प्राप्त गर्नका लागि कम्पनीका बीमितले कम्पनीको मोबाइल एपमा रहेको प्रिभिलेज कार्ड देखाई छुट सुविधा लिन सक्नेछन् । अभिकर्ता तथा कर्मचारीले कम्पनीले जारी गरेको आधिकारिक परिचयपत्र पेस गरी छुट सुविधाको लाभ लिन सक्ने आइएमई लाइफ इन्स्योरेन्सले जनाएको छ ।
