अब सवारी चालक अनुमति पत्रको म्याद १० वर्षसम्म कायम रहने भएको छ । केही नेपाल ऐन संशोधनमार्फत सवारी चालक अनुमतिपत्र दिइएको मितिले १० वर्षसम्म कायम हुने व्यवस्था गरिएको हो ।
सवारी तथा यातायात व्यवस्था ऐन, २०४९ संशोधनमार्फत यस्तो व्यवस्था गरिएको छ । यसअघि ५ वर्षसम्म मात्रै म्याद कायम रहने व्यवस्था थियो । सवारी तथा यातायात व्यवस्था ऐन, २०४९ को दफा ५४ को उपदफा (३) मा रहेका ‘पाँच वर्षसम्म’ भन्ने शब्दहरूको सट्टा ‘दश वर्षसम्म’ भन्ने शब्दहरू राखिएका छन् । त्यस्तै दफा ५६ को उपदफा (३) मा रहेका ‘पाँच वर्षसम्मको’ भन्ने शब्दहरूको सट्टा ‘दश वर्षसम्मको’ भन्ने शब्दहरू राखिएका छन् ।
यस्तै जाँचपासको प्रमाणपत्रको अवधि नयाँ सवारी दर्ता भएको मितिले पाँच वर्षसम्मका लागि एक वर्षसम्म र त्यो बाहेकका सवारीको हकमा भने ६ महिनासम्म रहने व्यवस्था गरिएको छ ।
