आइएमई मोटर्सले अन्तर्राष्ट्रिय अपरेसन श्रेणीअन्तर्गत ‘बेस्ट सर्भिस प्रोभाइडर अवार्ड’ प्राप्त गरेको छ । अशोक लेल्यान्ड ग्लोबल कन्फ्रेन्स, २०२५ मा आइएमई मोटर्सले उत्कृष्ट सेवा, प्राविधिक दक्षता र ग्राहक सन्तुष्टिमा पुर्याएको योगदानका लागि सम्मान प्रदान गरिएको जनाइएको छ ।
आइएमई मोटर्स र अशोक लेल्यान्डबीचको सफल साझेदारीले एक दशक पूरा गरिरहेकै बेला प्राप्त सम्मानले दुई कम्पनीबीचको सहकार्यलाई थप बलियो बनाएको कम्पनीले जनाएको छ ।
आइएमई मोटर्सका सर्भिस प्रमुख मित्रकुमार श्रेष्ठले सम्मान कम्पनीका प्रत्येक सर्भिस टेक्निसियन र टोलीको निरन्तर समर्पणको प्रतिफल भएको उल्लेख गरे । ‘हामी भविष्यमा अझ उत्कृष्ट सेवा दिन प्रतिबद्ध छौं,’ श्रेष्ठले भने ।
त्यस्तै, कार्यकारी निर्देशक निशान ढकालले अवार्डले आइएमई मोटर्सलाई अन्तर्राष्ट्रिय मापदण्डअनुसार सेवा दिन अझ प्रेरित बनाएको बताए । उनले भने, ‘निरन्तर सुधार र उत्कृष्टता हासिल गर्न यो सम्मानले हामीलाई थप उत्साहित बनाएको छ ।’
अशोक लेल्यान्ड नेपालका सर्भिस म्यानेजर अनुप कुमार स्वाईनले समेत अवार्डले १० वर्षको सफल साझेदारीको मूल्यांकन गर्दै सहकार्य र ग्राहक सन्तुष्टिको सशक्त प्रतिबद्धता झल्काएको बताए ।
