निर्वाचन आयोगले आगामी फागुन २१ मा हुने प्रतिनिधिसभा सदस्य निर्वाचन प्रायोजनका लागि दल दर्ताको समय थप्ने निर्णय गरेको छ । आयोगले मंसिर १४ गतेसम्म निर्वाचन प्रायोजनका लागि दल दर्ता गर्ने समय थप गरेको हो ।
यसअघि आयोगले दल दर्ताको समय आज सम्मका लागि तोकेको थियो । आज अन्तिम समय भनिए पनि दल दर्ता हुने क्रम जारी रहेकाले थप चार दिन थप्ने निर्णय गरेको आयोगका सूचना अधिकारी तथा सहायक प्रवक्ता कुलबहादुर जीसीले बताए ।
दल दर्ताको चाप अझै रहेकाले समय थप गरिएको उनको भनाइ छ । उनका अनुसार हालसम्म आयोगमा जम्मा १ सय ३७ वटा दल दर्ता भएका छन् । त्यसैगरी १५/१६ वटा निवेदनउपर जाँचबुझ भइरहेको छ ।
निर्वाचन प्रयोजनका लागि दर्ता हुने दलको संख्या भने १ सय ६ पुगेको सहायक प्रवक्ता जीसीले जानकारी गराए ।
विज्ञप्ति :
