नेपाल प्रहरीका निवर्तमान महानिरीक्षक (आइजीपी) चन्द्रकुवेर खापुङलाई काठमाडौंबाट बाहिर जान रोक लगाइएको छ ।
भदौ २३ र २४ गते भएको जेनजी आन्दोलनका सन्दर्भमा जाँचबुझ आयोगको बिहीबार बसेको बैठकले आजैदेखि लागू हुने गरी उनीमाथि स्थानहद तोकेको छ । आयोगका सदस्य एवं प्रवक्ता विज्ञानराज शर्माका अनुसार भदौ २३ र २४ गतेका घटनाहरूको छानबिन तथा जाँचबुझका लागि कुनै पनि समयमा आयोगमा उपस्थित हुनुपर्ने हुँदा विदेश भ्रमणमा पनि रोक लगाइएको हो ।
यसका साथै उनलाई आयोगको स्वीकृति नलिई काठमाडौं उपत्यका छाड्न नपाउने व्यवस्थाका लागि सम्बन्धित निकायमा पत्राचार गर्ने निर्णय भएको शर्माले बताए ।
