इलाममा सञ्चालनमा रहेका १३ जलविद्युत आयोजनको उत्पादन बन्द भएको छ । हालसम्म सञ्चालनमा रहेका १०५.४ मेगावाटका आयोजना बन्द भएका हुन् ।
स्वतन्त्र ऊर्जा उत्पादकहरूको संस्था नेपाल (इप्पान)ले संकलन गरेको प्रारम्भिक तथ्यांकअनुसार हालसम्म सञ्चालनमा रहेका १०५.४ मेगावाटका १३ आयोजनाको उत्पादन बन्द रहेका छन् । निर्माणाधीन अवस्थाका ९३ मेगावाटका ५ आयोजनामा बाढीले क्षति पुर्याएको छ ।
इलामकै निर्माणाधीन सिद्धिखोला हाइड्रोपावरमा पनि बाढीले क्षति पुगेको छ । यो आयोजनाको १० दिनमा हुने भनेको सीओडी अनिश्चत बनेको छ ।
सिन्धुपाल्चोक र पाँचथरका दुई/दई आयोजनामा पनि बाढीले क्षति पुर्याएको छ । अब यी आयोजनाको उत्पादन ढिलाई हुने इप्पानले जनाएको छ । इप्पानका अनुसार यी आयोजनामा पावरहाउस, कल्भर्ट, हेडवर्क्स, प्रसारणलाइन तथा पावरहाउसमा पानी पसेर क्षति पुगेको हो ।
सूची :
पछिल्लो तीन वर्षको तथ्यांक हेर्दा बाढीका कारण जलविद्युत् क्षेत्रले अर्बौं नोक्सानी बेहोरिरहेको छ । नदी र खोलाभित्रै जलविद्युत् आयोजनाहरू हुने भएकाले उच्च जोखिममा रहने गर्छन् । गत असार २३ र असोज ११ र १२ गतेको जस्तै २०८० असार १ र २ गते ताप्लेजुङ, पाँचथर, संखुवासभा र भोजपुर जिल्लामा आएको बाढीले जलविद्युत् आयोजनामा क्षति हुँदा ८ अर्ब ८४ करोडभन्दा बढी नोक्सानी भएको थियो ।
बाढीपहिराबाट सञ्चालनमा रहेका १३ र निर्माणाधीन १७ गरी ३० जलविद्युत् आयोजनामा क्षति पुग्दा लगानीकर्ता ठुलो मारमा पर्नुको साथै अर्बौं लगानी जोखिममा परेको थियो ।
