‘गोल्डेन स्टार किड्स एन्ड युथ ट्यालेन्ट शो’का लागि २८ प्रतियोगी छानिएका छन् । काठमाडौंमा आयोजित छनोट चरणको अडिसनबाट यी प्रतियोगी फाइनलका लागि छानिएका हुन् ।
अडिसन चरणमा ९० बढी सहभागीले गायन, नृत्य, अभिनयलगायत थुप्रै विधामा प्रतिभा प्रदर्शन गरेका थिए । ती मध्येबाट गायन, नृत्य, अभिनयलगायत विधा समेट्दै २८ प्रतियोगी छानिएका हुन् ।
नेपाली बालबालिका र युवाले आफ्नो कला, सिर्जनशीलता र प्रतिभा विश्वसामु गर्वका साथ प्रस्तुत गर्नसक्ने बनाउन प्रतियोगिता आयोजना गरिएको प्रतियोगिताको इभेन्ट निर्देशक रमेश जंग शाहीले बताएका छन् । प्रतियोगीताले नेपाललाई अन्तर्राष्ट्रिय प्रतिभा र फेसनको क्षेत्रमा मात्र नभएर विश्वस्तरमा नेपाली युवालाई चम्किन सक्ने अवसरको ढोका समेत खोल्ने उनको विश्वास छ ।
