जम्मू कश्मीरको किश्तवाडमा ‘क्लाउड ब्रष्ट’बाट मृत्यु हुनेको संख्या ६५ पुगेको छ । यसमध्ये २१ जनाको शव पहिचान भइसकेको छ ।
घटनामा एक सयभन्दा बढी बेपत्ता छन् । अहिलेसम्म १ सय ६७ जनाको उद्धार गरिएको छ । यीमध्ये ३८ जनाको अवस्था गम्भीर रहेको भारतीय सञ्चार माध्यमहरुले उल्लेख गरेका छन् ।
हजारौं भक्तजन माचैल माता यात्राको लागि किश्तवाडको पड्डर उप-डिभिजनको चासोटी गाउँ पुगेको बेला बिहीबार दिउँसो यो दुर्घटना भएको हो । चसोटी यात्राको पहिलो गन्तव्य थियो । बाढीले बस, पाल, लंगर र पसलहरू बगाएका छन् ।
चाशोती किश्तवार सहरबाट लगभग ९० किलोमिटर टाढा छ । मचैल माता मन्दिर जाने बाटोमा पर्ने यो पहिलो गाउँ हो । यो ठाउँ पडडर उपत्यकामा रहेको छ । यस क्षेत्रमा पहाडहरू १ हजार ८१८ मिटरदेखि ३ हजार ८८८ मिटरसम्म उचाइमा छन् । माचैल माता तीर्थयात्रा प्रत्येक वर्ष अगस्टमा हुन्छ । हजारौं भक्तहरू यसमा आउँछन् । यो २५ जुलाई देखि ५ सेप्टेम्बरसम्म चल्नेछ ।
यसअघि, अगस्ट ५ मा उत्तराखण्ड राज्यको धाराली गाउँमा पनि बाढी र पहिरोको कारण ठूलो विनाश भएको थियो । जसमा ७० भन्दा बढीको ज्यान गएको आशंका गरिएको छ । घटनामा दर्जनौं नेपाली पनि बेपत्ता छन् ।
