काठमाडौंबाट रसुवाको स्याफ्रुबेसी उडेको एयर डाइनेस्टीको हेलिकप्टर दुर्घटनामा परेको छ । शिवपुरी गाउँपालिका-७ सूर्यचौर क्षेत्रमा हेलिकप्टर दुर्घटनामा परेको जिल्ला प्रहरी कार्यालय नुवाकोटका प्रमुख एसपी शान्तिराज कोइरालाले पुष्टि गर्नुभयो ।
सुरक्षाकर्मीको टोली सो स्थानमा पुगेर उद्धारको काम भइरहेको कोइरालाले जानकारी दिए । हेलिकप्टर दुर्घटनापछि आगलागी भएको थियो ।
त्रिभुवन अन्तर्राष्ट्रिय विमानस्थलका अनुसार सो हेलिकप्टर क्याप्टेन अरुण मल्लले उडाइरहेका थिए । हेलिकप्टर उडेको तीन मिनेटमै सम्पर्कविहिन भएको थियो ।
