विशाल अन्तरिक्ष प्रक्षेपण प्रणालीले (flying colours) उड्ने रङहरूको साथमा आफ्नो पहिलो परीक्षण पार गरेको नासाको प्रारम्भिक विश्लेषणले निष्कर्ष निकालेको छ । यस्तै रकेट र ओरियन क्याप्सुल उनीहरूको अर्को मिशनमा जानको लागि तयार रहेको नासाले जानाएको छ । र चालक दललाई चन्द्रमाको कक्षामा लैजाने आर्टेमिस टू पनि प्रक्षेपणको लागि तयार रहेको अमेरिकी सञ्चार माध्यमले जनाएका छन्।
धेरै ढिलाइ र भारी लागत वृद्धि पछि, एसएलएस (“मेगा मून रकेट”) वास्तवमा कहिल्यै उडानयोग्य हुनेछैन भन्नेमा धेरै वैज्ञानिकहरु चिन्तित थिए। तर नोभेम्बरमा ओरियन क्याप्सुलले गरेको २५ दिने प्रक्षेपण मिसन बिना कुनै अवरोध सम्पन्न भयो ।
हालै नासाको टोलीहरूद्वारा विश्लेषण गर्न आवश्यक डाटाको सूचीहरूबाट आर्टेमिस वनमा गम्भीर समस्याहरू नभएको र सफल हुन सकेको देखिएको छ। यद्यपि नासाको टोलीहरूले अझै पनि प्रारम्भिक टेराबाइट्स डाटामार्फत अध्ययनको काम गरिरहेका छन्, र एजेन्सीले यसको पूर्वार्धमा मिशनलाई पर्याप्त राम्रो भएको घोषणा गरेको छ।
नासाको अनुसार ‘प्रक्षेपणको केही समयपछि गरिएको मूल्यांकनलाई आधार मानेर, उडानपछिको प्रारम्भिक तथ्याङ्कले सबै एसएलएस प्रणालीहरूले असाधारण प्रदर्शन गरेको र डिजाइनहरू आर्टेमिस टू मा चालक दलको उडानलाई समर्थन गर्न तयार रहेको सङ्केत गर्दछ।
एसएलएस कार्यक्रम प्रबन्धक जोन हनीकटले भने, “नासाको अन्तरिक्ष प्रक्षेपण प्रणाली रकेटले आर्टेमिस जेनेरेशन र गहिरो अन्तरिक्षमा अन्तरिक्ष उडानको भविष्यको लागि जग खडा गरेको छ। वास्तविक उडान प्रदर्शन र आर्टेमिस वनको लागि भविष्यवाणी गरिएको प्रदर्शन बीचको सम्बन्ध उत्कृष्ट थियो। त्यहाँ इन्जिनियरिङ् र रकेट सफलतापूर्वक निर्माण र प्रक्षेपण गर्ने कला छ।”
हन्ट्सभिल, अलाबामामा रहेको नासाको मार्शल स्पेस फ्लाइट सेन्टरमा रहेको एसएलएस इन्जिनियरिङ र सपोर्ट सेन्टरका इन्जिनियरहरूले पूर्व-प्रक्षेपण र प्रक्षेपण चरणहरूमा एसएलएसबाट चार टेराबाइटभन्दा बढी डाटा र अन-बोर्ड इमेजरी सङ्कलन गरे। थप रूपमा, जम्मा ३१ टेराबाइट इमेजरी डाटा ग्राउन्ड क्यामराहरू, रकेटमा भएका क्यामराहरू, र एसएलएसमा केन्द्रित हवाई क्यामराहरूबाट सङ्कलन गरिएको नासाले भनेको छ।
आर्टेमिस टू क्रिउड मिशन स्पष्ट रूपमा आर्टेमिस वनको सफलतामा पूर्ण रूपमा निर्भर रहेको थियो, र यो एसएलएस र ओरियन मात्रात्मक रूपमा पर्याप्त छन् भन्ने प्रक्षेपण पछिको स्पष्ट संकेत हो।
आर्टेमिस मार्फत, नासाले चन्द्रमाको सतहमा पहिलेको भन्दा धेरै अन्वेषण गर्न नयाँ प्रविधिको प्रयोग गरी पहिलो महिला र फरक रंगको पहिलो व्यक्तिलाई चन्द्रमामा उतार्ने छ । नासाले भनेको छ, “हामी व्यावसायिक र अन्तर्राष्ट्रिय साझेदारहरूसँग सहकार्य गर्नेछौं र चन्द्रमामा पहिलो दीर्घकालीन उपस्थिति स्थापित गर्नेछौं। त्यसपछि, हामी चन्द्रमामा र वरपर सिकेका कुराहरू अन्तरिक्ष यात्रीहरूलाई मंगल ग्रहमा पठाउन प्रयोग गर्नेछौं ।”
