सफ्टवेयर निर्माता कम्पनी माइक्रोसफ्टकर्पले ओपनएआईमा १० अर्ब डलर लगानी गर्ने भएको छ ।
कमजोर अर्थतन्त्रले सफ्टवेयरको मागलाई कमजोर बनाउँदै लगेकाले १० हजार कामदार लाई कामबाट निकाल्ने घोषणा गरेको एक हप्ता नबित्दै कम्पनीले यो निर्णय गरेको हो ।
कम्पनीले मंगलबार एक विज्ञप्ति जारी गर्दै अझै पनि प्रमुख प्राथमिकता का क्षेत्रहरूमा लगानी गर्ने र आवश्यकता अनुशार कर्मचारी नियुक्त गर्ने पनि उल्लेख गरेको छ । सफ्टवेयर निर्माता कम्पनीले मंगलबार दोस्रो त्रैमासिकको आम्दानी सार्वजनिक गरेको छ तर आफ्नो लगानीको मूल्य कति हो भनेर चाहिँ खुलाएको छैन ।
ओपनएआईले भनेको छ “माइक्रोसफ्टको लगानीले हामीलाई स्वतन्त्र अनुसन्धान जारी राख्न र एआई विकास गर्न मद्दत गर्नेछ जुन सुरक्षित, उपयोगी र शक्तिशाली छ”।
माइक्रोसफ्टले सन् २०१९ मा ओपनएआईमा १ अर्ब अमेरिकी डलर लगानी गरेको थियो । ममाइक्रोसफ्टले अल्फाबेट इंक, अमेजन इंक र मेटा प्लेटफर्म इंकसँग प्रतिस्पर्धा गर्दै सबैभन्दा लोकप्रिय र द्रुत गतिमा बढ्दै गरेको आर्टिफिसियल इन्टेलिजेन्स सेक्टरमा प्रभुत्व जमाउन चाहान्छ। त्यसैले माइक्रोसफ्टले ओपनएआईमा लगानी गरिरहेको छ ।
ओपनएआईलाई माइक्रोसफ्टको फन्डिङ र क्लाउड-कम्प्युटिङ पावरको आवश्यकता पर्दछ जसले डेटाको विशाल मात्रालाई क्रन्च गर्न र जटिल मोडेलहरू चलाउन सहयोग गर्दछ। यसले डीएएलएल-ई लाई मुट्ठीभर शब्दहरूमा आधारित यथार्थवादी तस्बिर हरु उत्पन्न गर्न र च्याटजीपीटीलाई संकेत वा प्रश्नहरूको जवाफमा मानिस जस्तै संवादात्मक पाठ सिर्जना गर्न मद्दत गर्दछ।
च्याटजीपीटी नोभेम्बरको अन्त्यमा सार्वजनिक भएपछि विश्वव्यापी रूपमा ईन्टरनेट भरी चर्चित भएकाे थियो , जसलाई एक हप्ता भन्दा कम समयमा नै १० लाख प्रयोगकर्ताहरूले प्रयोग गरेक थिए।
च्याटजीपीटीले वास्तविक मानिसहरूले बोल्ने र लेख्ने तरिका अनुकरण गर्ने सक्ने क्षमताले व्यावसायिक लेखकहरूलाई विस्थापित गर्ने सक्ने खतराको विषयमा चिन्ता उत्पन्न गरेको छ।
च्याटजीपीटीलाई गुगलको कोर सर्च व्यवसायको लागि सम्भावित खतराको रूपमा पनि लिइएको छ।
