नेपाली कांग्रेसका केन्द्रीय सदस्य एवं नवलपुर क्षेत्र नम्बर १ का प्रतिनिधिसभा सदस्यका उम्मेदवार शशाङ्क कोइरालाले राजनीतिक स्थिरताका लागि बहुमत आवश्यक भएको बताएका छन्।
आफूहरुले बहुमत पाए स्थिरतासहित विकास दिने उनले बताए।
‘संविधानको रक्षा, स्थिरता र विकासका लागि गठबन्धनका उम्मेदवारलाई जिताउनुको विकल्प छैन,’ उनले भने।
आफू चौथो पटक नवलपुरका जनताको प्रतिनिधित्व गर्न अगाडि बढेको बताएका उनले यसअघिका कार्यकाल संविधान निर्माण र कार्यान्वयनका काम खर्चिएको बताए।
‘जिल्लामा स-साना काम भएकै छन्। अबको कार्यकाल विकासका लागि हो,’ उनले भने। कोइराला केही दिनअघि बिरामी भएका थिए। उपचारपछि उनी पुन: निर्वाचन क्षेत्रमा सक्रिय भएका छन्।
