काठमाण्डौ। काठमाण्डौ महानगरपालिकाले वीर अस्पताल अघिका औषधि पसलमा डोजर लगाएर अनाधिकृत संरचना हटाएको छ।
अनधिकृत संरचना हटाउन आजसम्म समय दिए पनि नहटाइएकोले डोजर चलाउनुपरेको महानगरले जनाएको छ। बिहीबार दिउँसो २ बजे डोजरसहित वीर अस्पताल पुगेको महानगर प्रहरीको टोलीले अस्पतालअघिका पुराना टहरमा डोजर चलाएर औषधि पसल हटाएको हो ।
अहिले जुन ठाउँमा औषधि पसल राखिएको छ त्यो ठाउँमा पार्क भनेर नक्सामा उल्लेख गरिए ता पनि ती जग्गामा फार्मेसी चलाएको पाइएकोले हटाइएको महानगरपालिकाले जानकारी दिएको छ ।
