दुर सञ्चार सेवा प्रदायक कम्पनी एनसेलका सबै ग्राहकहरूले अब अल्टिमा लाइफस्टाइलका विभिन्न सामानहरुको खरिदमा ६० प्रतिशतसम्म छुट पाउने भएका छन् । ग्याजेट तथा मोबाइल एक्सेसरिज ब्रान्ड अल्टिमा लाइफस्टाइलका साउन्ड बार, स्पिकर, वायरलेस एअर बड, स्मार्टवाच, पावर ब्याङ्क लगायतका ग्याजेटहरूमा विशेष छुट दिइएको कम्पनीले जनाएको छ ।
यसकालागि एनसेलको सिम प्रयोगकर्तासँग ९९ वा सोभन्दा माथिको सक्रिय डेटा, भ्वाइस वा कम्बो प्याक एक्टिभ भएको हुनुपर्नेछ । प्रिपेड र रेन्टल प्लान सक्रिय रहेका पोस्टपेड ग्राहकहरूले यस योजना अन्तर्गत खरिद गरेका सामानहरु नेपालभर डेलिभरी हुने बताइएको छ ।
ग्राहकहरूले आफ्नो मोबाइलमा रहेको एनसेल एप खोलेर पार्टनर्ड सर्भिसेसमा गई अल्टिमा लाइफस्टाइल छान्नु पर्ने हुन्छ ।
