भाटभटेनी सुपर मार्केटमा १५ हजार वा सो भन्दा बढिकाे सामान किन्दा ग्राहकले किस्ताबन्दीमा पाउने भएका छन् । ग्लोबल आइएमई बैंक र भाटभटेनी सुपरमार्केटबीच भएकाे सम्झौता अनुसार भाटभटेनीका सबै स्टोरहरुबाट विशेष गरी इलेक्ट्रोनिक्स तथा ठूला सामग्रीहरु शून्य प्रतिशत ब्याजदरमा ग्राहकले पाउने भएका हुन ।
ग्राहकले ३, ६, ९, १२ वा १८ महिनासम्मको अवधि छनोट गरी रकम भुक्तानी गर्न सक्नेछन् । यस योजनामा ग्राहकलाई कुनै पनि ब्याज वा प्रोसेसिङ शुल्क नलाग्ने तथा अतिरिक्त कागजी प्रक्रिया पूरा गर्न नपर्ने बताइएकाे छ ।
याे सेवा लिन भाटभटेनीमा नियमित खरिद गर्ने ग्राहकहरुको कारोबार इतिहास र आर्थिक व्यवहारका आधारमा विशेष ग्लोबल बिबिएसएम क्लब कार्ड (क्रेडिट कार्ड) उपलब्ध गराउने भनिएको छ ।
सम्झौता बमोजिम बैंकका क्रेडिट कार्ड प्रयोगकर्ताहरुले न्यूनतम १५ हजार रुपैयाँ वा सो भन्दा बढिको खरिदमा तत्कालै किस्ताबन्दी सुविधा पाउनेछन् ।
