समाचार संकलन क्रममा पत्रकारको हत्या भएको र आमसञ्चार माध्यममा आक्रमण गरिएको विरोधमा पत्रकारहरूले माइतीघर मण्डलामा विरोध प्रदर्शन गरेका छन् । शनिवार बिहान नेपाल पत्रकार महासंघको नेतृत्वमा पत्रकारहरूले आन्दोलन सुरु गरेका हुन् । शुक्रवार भएको राजावादीहरूको आन्दोलनमा पत्रकार सुरेश रजकको मृत्यु भएको थियो । भिडियो खिचिरहेको घरमा राजावादी प्रदर्शनकारीहरूले आगो लगाएसँगै उनको जलेर मृत्यु भएको थियो । यो घटनाको निन्दा गर्दै छानबिन र दोषीउपर कारवाहीको माग गर्ने आउने दिनमा मिडियामाथि प्रहार नगर्नसमेत पत्रकारहरुले माग गरेका छन् ।
