प्रधानमन्त्री पुष्पकमल दाहालको भारत भ्रमणको क्रममा बिहीबार नेपाल र भारतबीच विभिन्न द्वीपक्षीय सम्झौता भएका छन् । आज बिहान भएको प्रतिनिधिमण्डलस्तरीय वार्तापछि पत्रकार सम्मेलन मार्फत् दुई देशबिच भएका सहमति सार्वजनिक गरिएको हो ।
नेपालका प्रधानमन्त्री दाहाल र भारतका प्रधानमन्त्री नरेन्द्र मोदीले पत्रकार सम्मेलन गर्दै सहमतिबारे जानकारी दिएका हुन् ।
– नेपाल भारत पारवहन सम्झौता नवीकरण ।
– सिमापार पेट्रोलियम पाइपलाइनलाई अमलेखगञ्जबाट चितवनसम्म ल्याउने र सिलिगुडीबाट झापा सम्म पुर्याउने सहमति भएको छ ।
– परराष्ट्र मामिला अध्ययन प्रतिष्ठान र सुष्मा स्वराज इन्स्टिच्युटबीच सहकार्य गर्ने ।
– चाँदनी दोधारामा एकीकृत जाँच चौकी बनाउने ।
– तल्लो अरुणको पीडिए गर्ने र फुकोट कर्णाली भारतीय कम्पनीले बनाउने सहमति भएको छ ।
– ६ सय ६९ मेगावाट क्षमताको तल्लो अरुणबाट नेपालले १४०.४९ बिजुली पाउने गरी भारतीय कम्पनीसँग परियोजना विकास सम्झौता ।
– भारतीय कम्पनी सतलज जलविद्युत् निगमले २१ प्रतिशत बिजुली पाउने ।
– डिजिटल पेमेन्ट सम्झौता ।
