काठमाडौँ – चितवन क्षेत्र नम्बर- २ मा राष्ट्रिय स्वतन्त्र पार्टीका सभापति रवि लामिछाने विजयी भएका छन् ।
हालै सार्वजनिक अन्तिम मतपरिणाम अनुसार उनी भारी मतान्तरका साथ प्रतिनिधिसभा सदस्यमा विजयी भएका हुन् ।
लामिछानेले ४९ हजार २६१ मत प्राप्त गरेका छन् भने गठबन्धनका साझा उम्मेदवार श्रेष्ठले १५ हजार ९९ मत प्राप्त गरेका छन् ।
यस्तै, नेकपा एमालेका कृष्णभक्त श्रेष्ठ १४ हजार ६४९ मत ल्याउँदै तेस्रो स्थानमा रहेका छन् ।
